Spartak Tetraşvili hal-hazırda TBC Kredit-də Baş Direktor (CEO) vəzifəsində çalışır. Eyni zamanda Azərbaycan Mikromaliyyə Assosiasiyasının (AMFA) İdarə Heyətinin üzvüdür.

TBC Kreditdə 2015-ci ildə çalışmağa başladı. TBC Kredit komandasına qoşulmadan öncə Gürcüstanın aparıcı banklarında üst rəhbərlik komandasının üzvü olaraq çalışmışdır. Spartak Bank of Georgia-da Agro-layihənin meneceri və eyni zamanda "Agron Group" ASC-nin direktoru olub. Bundan əvvəl Procredit Bank Georgia-nın genişləndirilmiş rəhbərliyinin üzvü olmuşdur. Bank sektorunda 15 ildən çox iş təcrübəsi var.

Spartak, Almaniyanın Fürth şəhərində Procredit Akademiyasında və Makedoniyanın Veles şəhərində Procredit Regional Akademiyasında təhsil alıb. Gürcüstanın Tbilisi şəhərində yerləşən Avropa İdarəetmə Məktəbində (ESM) Bakalavr dərəcəsini alıb.

Əjdər Əliyev direktorun birinci müavini vəzifəsində çalışır və risklərin idarə edilməsinə cavabdehdir. O, TBC Kreditdə karyerasına 2000-ci ildə kredit işçisi kimi başlayıb. Əjdər Əliyev müxtəlif vaxtlarda İpoteka kreditləri şöbəsi və kredit departamentinə rəhbərlik etmişdir.

Əjdər Əliyev Bakıda Qərb Universitetində Biznes İnzibatçılığı üzrə və Amerika Birləşmiş Ştatlarında Urbana-Şampeyn İllinoys Universitetində Beynəlxalq Maliyyə üzrə Maqistr dərəcəsini alıb. O, həmçinin iqtisad elmləri namizədidir və CFA sertifikatı sahibidir.

Aytən Bağırova hazırda TBC Kreditdə Maliyyə Meneceri vəzifəsində çalışır.

Aytən TBC Kreditdə 2006-cı ildə işə başlayıb və ipoteka kreditlərin verilməsi və kiçik və orta sahibkarlığın maliyyələşdirilməsi səhəsində təcrübəyə malikdir.

Farizə Tedeyeva TBC Kredit Direktor müavini vəzifəsində çalışır.

Farizə TBC Kreditdə 2006-cı ildə işə başlayıb və ipoteka kreditlərin verilməsi, mühasibat uçotu və biznes prosesin optimallaşdırılması sahələrində təcrübəyə malikdir.

Farizə Azərbaycan Dövlət İqtisad Universitetinində maliyyə və bankçılıq üzrə Bakalavr dərəcəsini və Odlar Yurdu Universitetində Corciya Ştatının Atlanta şəhərində yerləşən Universitetinin proqramı ilə maliyyə elmləri üzrə Magistr dərəcəsini alıb.